नंदुरबार जिल्हा पोलीस दलाची DJ सिस्टीम धारकावर धडक कारवाई, २९
हजार रुपये दंड
नंदुरबार - सत्यप्रकाश न्युज
जिल्ह्यात मागील काही दिवसात साजरे झालेले रमजान ईद, शिवजयंती, विविध महापुरुषांच्या जयंती, रामनवमी, मोहरम, विश्व आदिवासी गौरव दिन तसेच आगामी काळात साजरे होणारे गणेशोत्सव काळात डी.जे. व डॉल्बी साऊंड सिस्टीम न वाजविता पारंपारिक वाद्य वाजवावे असे आवाहन नंदुरबार जिल्हा पोलीस दलामार्फत करण्यात आले होते. नंदुरबार जिल्ह्यातील सर्व सार्वजनिक मंडळानी पोलीस दलाच्या आवानास उत्तम असा प्रतिसाद देत पारंपारिक वाद्ये वाजवून नंदुरबार जिल्हा डी.जे. मुक्त व डॉल्बी मुक्त करण्याचा प्रयत्न केला होता. त्यामुळे नाशिक परिक्षेत्राचे विशेष पोलीस महानिरीक्षक डॉ.श्री.बी.जी.शेखर पाटील यांचे हस्ते नंदुरबार जिल्ह्यातील 235 मंडळांच्या पदाधिकान्यांना प्रशंसापत्र देवून सत्कार करण्यात आला होता. डी.जे. व डॉल्बी मुक्त नंदुरबार जिल्हा म्हणून महाराष्ट्रात नंदुरबार जिल्ह्याची ओळख निर्माण झाली होती.
नंदुरबार जिल्हा पोलीस दलातर्फे वेळोवेळी आवाहन करण्यात आले होते की, नंदुरबार जिल्ह्यात सण व उत्सव साजरे करतांना डी. जे. व डॉल्बी सिस्टीमवरून उच्च आवाजात गाणी वाजविल्यामुळे ध्वनी प्रदुषण होवून सार्वजनिक शांततेचा भंग होतो. तसेच डी. जे. व डॉल्बीच्या उच्च आवाजामुळे वृध्द् इसम आजारी इसम. लहान बालके यांच्या आरोग्यावर वाईट परिणाम होत असतो त्यामुळे डी. जे. व डॉल्बीचा आवाज मर्यादेपेक्षा जास्त ठेवल्यास डी. जे. व डॉल्बी धारकांवर कठोर कायदेशीर कारवाई करण्यात येईल.
दिनांक 20/08/2022 रोजी रात्री 23.30 वा. सुमारास नंदुरबार जिल्ह्याचे पोलीस अधीक्षक श्री. पी. आर. पाटील यांना गुप्त बातमीदारामार्फत माहिती मिळाली की, नंदुरबार तालुका पोलीस ठाणे हद्दीतील टोकरतलाव या गावात लग्नामध्ये डी. जे. व डॉल्बीच्या उच्च आवाजात काही इसम आरडाओरड करुन नाचत आहेत. सदर बातमीच्या अनुषंगाने नंदुरबार जिल्ह्याचे पोलीस अधीक्षक श्री. पी. आर. पाटील यांनी तात्काळ नंदुरबार तालुका पोलीस ठाण्याचे पोलीस निरीक्षक श्री. राहुल पवार यांना माहिती कळवून कारवाई करणेबाबत आदेशीत केले होते.
त्याअनुषंगाने नंदुरबार तालुका पोलीस ठाण्याचे पोलीस निरीक्षक श्री. राहुल पवार यांनी पथकासह टोकरतलाव गावातील डी.जे. व डॉल्बी वाजत असलेल्या ठिकाणी जावून पाहणी केली असता GJ-05 AU-3443 या आयशर वाहनावर बैंड लावलेला दिसला व लोकांना त्रास होईल अशा बँडच्या कर्कश आवाज येत होता म्हणून नंदुरबार तालुका पोलीस ठाण्याचे पोलीस निरीक्षक श्री. राहुल पवार व त्यांच्या पथकाने GJ-05 AU-3443 या आवशर, बैंड मालक व त्याचे सोबत असलेल्या इतर 4 इसमांना ताब्यात घेवून त्यांचेविरुद् नंदुरबार तालुका पोलीस ठाणे येथे गुन्हा दाखल केला आहे. तसेच GJ-05 AU-3443 या आयशर गाडी व त्यावरील बैंड जप्त करण्यात आला आहे. सदर बाबत GJ-05 AU-3443 ही आयशर गाडी प्राधिकरणाकडे पाठविली असता त्यांनी GJ-05 AU-3443 या आयशर गाडी मालकाला 29,000/ रुपये दंड ठोठावण्यात आला आहे.
सर्व नागरीकांना आवाहन करण्यात येते की, ध्वनी प्रदूषण (नियम व नियंत्रण) सन 2000 चे उल्लंघन केल्यास पर्यावरण संरक्षण कायदा कलम 15 प्रमाणे 5 वर्ष कैदेची किंवा 1,00,000/- (एक लाख रुपये दंड) किंवा दोन्ही शिक्षा होवु शकतात. तसेच शिक्षा होवुन सुध्दा असे गुन्हे केल्यास 5000/- रुपये दंड प्रत्येक दिवसाला व शिक्षा लागल्याच्या । वर्षापर्यंतच्या काळात पुन्हा असे गुन्हे केल्यास 7 वर्षापर्यंतची शिक्षा होवु शकते, त्यामुळे गणेशोत्सव काळात कोणत्याही सार्वजनिक जागेत किया जागेजवळ किया कोणत्याही सार्वजनिक करमणुकीचे ठिकाणी ध्वनीक्षेपकाचा उपयोग मर्यादेपेक्षा मोठ्या आवाजात करु नये, तसे आढळून आल्यास त्वरीत पोलीस नियंत्रण कक्ष, नंदुरबार 02564-210100/- 210113 यावर संपर्क साधावा असे आवाहन करण्यात आले आहे.
पी. आर. पाटील
पोलीस अधीक्षक, नंदुरबार
Tags:
सांस्कृतिक