जिल्हा परिषद अध्यक्ष, उपाध्यक्ष*
पदाच्या निवडीसाठी 17 ऑक्टोंबर रोजी विशेष सभेचे आयोजन.....
नंदुरबार, (जिमाका वृत्तसेवा) : ग्रामविकास विभागाच्या 30 सप्टेंबर 2022 च्या अधिसूचनेनुसार नंदुरबार जिल्हा परिषद अध्यक्ष पदाच्या आरक्षणाचे वाटप जिल्हा परिषदेच्या उर्वरित कालावधीसाठी विनिर्दिष्ट केले आहे. त्यानुसार नंदुरबार जिल्हा परिषदेचे अध्यक्ष पद हे अनुसूचित जमाती (माहिला) या प्रवर्गासाठी आरक्षित केले आहे.
जिल्हा परिषदेच्या उर्वरित कालावधीसाठी जिल्हा परिषदेच्या अध्यक्ष व उपाध्यक्ष पदाच्या निवडीसाठी जिल्हा परिषदेच्या सभागृहात सोमवार 17 ऑक्टोंबर 2022 रोजी विशेष सभेचे आयोजन करण्यात आले आहे. यासभेकरीता उपजिल्हाधिकारी (महसुल प्रशासन ) नितीन सदगीर हे पिठासन अधिकारी असतील. तरी जिल्हा परिषदेमधील सदस्य व पंचायत समितीतील सभापती यांनी विशेष सभेस उपस्थित राहावे, असे जिल्हाधिकारी मनीषा खत्री यांनी एका प्रसिद्धी पत्रकान्वये कळविले आहे.
Tags:
राजकीय