वनवासी विद्यालयाचे उपकरण राज्यस्तरावर".........
नवापूर सत्यप्रकाश न्यूज
सन 2021 22 चे नंदुरबार जिल्हास्तरीय विज्ञान प्रदर्शन ऑनलाईन पद्धतीने भरवण्यात आले.चिंचपाडा येथील वनवासी विद्यालयाच्या सोहम रमेश वसावे या विद्यार्थ्याने आदिवासी प्राथमिक राखीव गटात 'बेबी कॅरिंग बेड' हे उपकरण मांडले. या उपकरणाला जिल्ह्यात प्रथम क्रमांक मिळाला असून राज्यस्तरीय प्रदर्शनासाठी हे उपकरण पात्र ठरले आहे.प्रवासात लहान बाळांचे होणारे हाल बघता या उपकरणाची निर्मिती करण्यात आली आहे. हा असा बेड आहे की त्यात बाळाच्या झोपण्याच्या सोयीसोबतच त्याच्या खेळण्यांची, खानपानाची सोय करण्यात आली आहे. हा बेड बस,रेल्वे यांसारख्या वाहनांमध्ये सहज नेता येतो. जेव्हा वाहनांमध्ये बसायला जागा उपलब्ध होत नाही अशा वेळी हा बेड वाहनातील मोकळया जागेत ठेवता येतो. असे हे बहुउपयोगी बेबी कॅरिंग बेड बनविण्यासाठी विद्यालयाचे विज्ञान शिक्षक श्री. मंगेश देवरे यांनी मार्गदर्शन केले.या यशाबद्दल यशस्वीतांचे संस्थेचे अध्यक्ष डॉ. सुहास नटावदकर,प्राचार्य श्री.व्ही. एस. वाघ , विद्यालयाच्या सर्व कर्मचाऱ्यांकडून अभिनंदन करण्यात येत आहे.
Tags:
शैक्षणिक