दि.14/06/2024 रोजी अपर पोलीस अधीक्षक श्री. निलेश तांबे यांना गुप्त बातमीदारामार्फत माहिती मिळाली की, नवापुर शहरातील इस्लामपुरा परीसरात गोवंश जनावरे अवैधरित्या कत्तल करण्याचे इरादयाने व त्यांची बेकायदेशीर वाहतूक करणेसाठी बांधुन ठेवण्यात आलेले आहेत, बाबत माहिती मिळताच पोलीस अधीक्षक श्री. श्रवण दत्त. एस, अपर पोलीस अधीक्षक श्री. निलेश तांबे व उपविभागीय पोलीस अधिकारी, नंदुरबार विभाग श्री संजय महाजन यांचे मार्गदर्शनाखाली स्थानिक गुन्हे शाखेचे पोलीस निरीक्षक श्री किरणकुमार खेडकर, उपनगर पोलीस ठाण्याचे पोलीस निरीक्षक श्री श्याम निकम, शहर पोलीस ठाण्याचे सपोनि श्री चंद्रकांत पाटील, पोउनि श्री. मुकेश पवार, स्थागुशा, पोउनि श्री. मनोज पाटील, पोउनि श्री. विशाल सोनवणे, नवापूर पोलीस ठाणे, पोउनि श्री. प्रतिक भिंगारदे व स्थानिक गुन्हे शाखा पथक व पोलीस ठाणे स्टाफ अशांनी नवापूर शहरातील इस्लामपुरा भागातील खालील नमुद आरोपींचे ताब्यातील वेगवेगळ्या ठिकाणी बंदिस्त खोल्यांमध्ये एकूण 71 गोवंश जनावरे हे अवैधरित्या कत्तल करण्याचे इरादयाने व त्यांची बेकायदेशीर वाहतुक करणेसाठी निर्दयतेने बांधलेल्या अवस्थेत मिळून आले.
त्यामध्ये आरोपी नामे 1) हासीम कासीम कूरेशी (2) जुबेर ऊर्फ बहि-या रेहमान कूरेशी 3) रऊफ दाऊद कुरेशी 4) शाहरुख सलीम कुरेशी (5) अरबाज युसूफ कुरेशी 6) जाकीर ऊर्फ पटटो अजीज कुरेशी 7) समीर अस्लम कुरेशी 8) फकीरा इब्राहिम कुरेशी (9) अहमद खान अजिज खान 10) आबिद दाऊद कुरेशी 11) इन्नु ऊर्फ इनायत खान दिलेर खान कुरेशी 12) इरफान खान सईद कुरेशी सर्व राहणार इस्लामपूरा, ता. नवापूर जि. नंदुरबार यांचेविरुध्द नवापूर पोलीस ठाणे येथे महाराष्ट्र पशु संरक्षण अधिनियम व प्राण्यांचा छळ प्रतिबंध अधिनियमाच्या विविध कलमान्वये गुन्हा दाखल करण्यात आला आहे.
सदर 4 लाख 22 हजार रुपये किमतीची एकुण 71 गोवंश जनावरे बांधलेल्या अवस्थेत मिळून आल्याने सर्व जनावरांची सुटका करुन त्यांची तातडीने चारापाण्याची व्यवस्था करुन त्यांना गोशाळेत दाखल करण्यात आले. सदरची कारवाई नंदुरबार जिल्ह्याचे पोलीस अधीक्षक श्री. श्रवण दत्त. एस, अपर पोलीस अधीक्षक श्री. निलेश तांबे, नंदुरबार विभागाचे उप विभागीय पोलीस अधिकारी श्री. संजय महाजन यांचे मार्गदर्शनाखाली करण्यात आली आहे.
Tags:
गुन्हे/अपराध