एन.डी. अँड एम.वाय. सार्वजनिक हायस्कूल व शेठ एच.जे.शाह कनिष्ठ महाविद्यालयाचे जिल्हास्तरीय बुद्धिबळ स्पर्धेत यश

नवापूर सत्यप्रकाश न्युज 

   नवापूर एज्युकेशन सोसायटी संचलित

दी एन.डी. अँड एम.वाय. सार्वजनिक हायस्कूल व शेठ एच.जे.शाह कनिष्ठ महाविद्यालयाचे जिल्हास्तरीय बुद्धिबळ स्पर्धेत यश प्राप्त केले असून दिनांक 23 सप्टेंबर, 2024 - क्रीडा व युवक सेवा संचालनालय, महाराष्ट्र राज्य पुणे व जिल्हा क्रीडा अधिकारी कार्यालय व जिल्हा क्रीडा परिषद, नंदुरबार यांच्या संयुक्त विद्यमाने आयोजित नंदुरबार जिल्हास्तरीय बुद्धिबळ क्रीडा स्पर्धेत दी एन.डी. अँड एम.वाय. सार्वजनिक हायस्कूल व शेठ एच.जे.शाह कनिष्ठ महाविद्यालयाने यश संपादन केले.*

*♟️जिल्हास्तरीय बुद्धिबळ स्पर्धेचे आयोजन एस.ए.मिशन इंग्लिश मिडीयम स्कूल, नंदुरबार येथे दिनांक 23 सप्टेंबर 2024 रोजी करण्यात आले होते. सदर स्पर्धा 14, 17 व 19 वर्ष मुले या वयोगटातील खेळाडूंसाठी आयोजित करण्यात आली होती. यामध्ये 17 वर्षा आतील मुले या गटात कु.जेनीलकुमार मास्टर व कु.स्वप्नील गावित हे खेळाडू विजयी झाले. व 19 वर्षा आतील मुले या गटात कु. शौकत आमलीवाला हा खेळाडू विजयी झाला. सदर खेळाडू जिल्हास्तरावर विजयी होऊन त्यांची निवड विभागस्तरीय बुद्धिबळ स्पर्धेसाठी करण्यात आलेली आहे. सर्व यशस्वी खेळाडूंना क्रीडा शिक्षक श्री.श्रीकांत पाटील सर व श्री.निलेश गावंडे सर यांचे मार्गदर्शन लाभले होते.

   विजयी खेळाडूच्या या यशाबद्दल संस्थेचे अध्यक्ष श्री.बिपिनभाई चोखावाला, उपाध्यक्ष श्री.शिरीषभाई शाह, कार्याध्यक्षा श्रीमती.शितलबेन वाणी, कोषाध्यक्ष श्री.सतीशभाई शाह, सचिव श्री.राजेंद्रभाई अग्रवाल, सहसचिव श्री.शोएबभाई मांदा, मुख्याध्यापक श्री.संजयकुमार जाधव सर, उपमुख्याध्यापिका श्रीमती.कमलबेन परिख तसेच सर्व व्यवस्थापन मंडळातील सदस्य व सर्व शिक्षक व शिक्षकेतर कर्मचारी यांनी विजयी खेळाडूचे अभिनंदन केले व पुढील स्पर्धेसाठी शुभेच्छा दिल्या.