दिनांक 15 ऑक्टोबर 2024 रोजी सार्वजनिक गुजराती हायस्कूल व कनिष्ठ महाविद्यालय, नवापूर येथे डॉक्टर एपीजे अब्दुल कलाम यांच्या जयंतीनिमित्त वाचन प्रेरणा दिवस उत्साहात साजरा करण्यात आला. या कार्यक्रमात शाळेचे प्राचार्य श्री संजय कुमार जाधव, उपमुख्याध्यापिका श्रीमती कमलबेन परीख, पर्यवेक्षक श्री फारुख पटेल, जहिद पठाण सर्व शिक्षक शिक्षकेतर कर्मचारी व सर्व विद्यार्थी उपस्थित होते. या कार्यक्रमाचे अध्यक्ष शाळेचे प्राचार्य श्री संजय कुमार जाधव होते व कार्यक्रमाचे प्रमुख पाहुणे शाळेच्या उपमुख्याध्यापिका श्रीमती कमलबेन परिख होत्या. कार्यक्रमाची प्रस्तावना श्री एन बी ठाकरे यांनी केली. कार्यक्रमाची सुरुवात प्रतिमापूजन व दीप प्रज्वलनाने करण्यात आली. कार्यक्रमाच्या सुरुवातीला सना रईस ताई या विद्यार्थिनींनी मनोगत व्यक्त केले. त्यानंतर जुवेरिया टीमोल, सायमा मलकानी, फिरदोस सय्यद , हमजा मालेगाववाला, संपदा गावित, कृष्णा प्रजापत, पुनम वसावा या विद्यार्थिनींनी काव्यवाचन केले. त्यानंतर प्रमुख पाहुणे श्रीमती कमलबेन परीख यांनी आपले मनोगत व्यक्त केले. त्यांनी एपीजे अब्दुल कलाम यांच्या जीवनाविषयी विद्यार्थ्यांना प्रेरणादायी मार्गदर्शन केले. आपल्या अध्यक्षीय भाषणात प्राचार्य श्री संजय कुमार जाधव यांनी विद्यार्थ्यांना जीवनात वाचनाचे महत्त्व काय आहे हे समजावून सांगितले. कार्यक्रमाचे सूत्रसंचालन श्री जी एच मनियार यांनी केले व आभार प्रदर्शन श्री ए आय चौधरी यांनी केले. शाळेचे प्राचार्य श्री संजय कुमार जाधव, उपमुख्याध्यापिका श्रीमती कमलबेन परिख यांच्या मार्गदर्शनाने व शिक्षक शिक्षकेतर कर्मचाऱ्यांच्या सहकार्याने कार्यक्रम यशस्वी झाला.
Tags:
शैक्षणिक