येथील जिल्हा परिषद शिक्षण विभागाचे प्राथमिक शिक्षण अधिकारी सतीश सुरेश चौधरी (वय 50, रा. वाघेश्वरी मंदिराजवळ, नंदुरबार, मुळ रहिवाशी मुक्ताईनगर, जिल्हा-जळगांव) यांना तक्रारदार कडून 50 हजारांची लाच घेतल्याप्रकरणी नाशिक लाचलुचपत प्रतिबंधक विभागाने रंगेहात पकडले लाचखोर शिक्षणधिकाऱ्याला आज अटक करण्यात आली आहे.
नाशिक लाचलुचपत प्रतिबंधक विभागाकडून मिळालेल्या माहितीनुसार तक्रारदार यांना नवापूर शहर, नगरपालिका, मालमत्ता क्र. 826, सीटी सर्वे क्र. 624, पंचरत्न शॉपिंग, काँप्लेक्स येथे हॉटेल नम्रता सुरु करावयाची असल्याने सदर परिसरात 75 मीटर अंतरावर बंद पडलेली जिल्हा परिषद शाळा असल्याने उत्पादन शुल्क विभागाने FL 3 परवाना देण्यास हरकत घेतली.परंतु सदर शाळा इमारत ही जीर्ण होऊन बंद असल्याने नंदुरबार प्राथमिक शिक्षण विभागाकडून सदर शाळा बंद असले बाबत प्रमाणपत्र देणेसाठी तसेच अशरफ भाई माजिदभाई लखानी अल्प संख्यांक विकासबहुउद्देशीय संस्था नवापूर, या संस्थेच्याअंतर्गत येणाऱ्या गुजराथी माद्यमिक विद्यालय नवापूर शाळेची आरटीई मान्यतावर्धित करण्याचे काम करुन दिल्याचे मोबदल्यात बक्षीस म्हणून असे दोन्ही कामांचे मिळून 50 हजाराची मागणी करुनआज दि. 15 मे 2024 रोजी पंच साक्षीदार यांचे समक्ष जिल्हा परिषद कार्यालयातीलदालनात ५० हजार रुपयाची लाच घेतानारंगेहाथ पकडले असून यातील लाचखोर प्राथमिक शिक्षणाधिकारी सतीश चौधरीयाच्यावर नंदुरबार शहर पोलीस येथे गुन्हा दाखल करण्यात येत आहे.
सदर कार्यवाही श्रीमती शर्मिष्ठा घारगे-वालावलकर पोलीस अधीक्षक, ला.प्र.वि, नाशिक परीक्षेत्र,नाशिक यांच्या मार्गदर्शनाखाली
सापळा अधिकारी श्री.नितीन पाटील, पोलीस निरीक्षक, सापळा पथक पोलीस नाईक चौधरी, पोलीस शिपाई अनिल गांगोडे,पो.ना. गणेश निंबाळकर .श्री माधव रेड्डडी,नरेंद्र पवार आदिंनी सहकार्य केले
Tags:
गुन्हे/अपघात