दी एन.डी. अँड एम.वाय. सार्वजनिक हायस्कूल व शेठ एच.जे. शाह कनिष्ठ महाविद्यालय, नवापूर यांचे तालुकास्तरीय मैदानी क्रीडा स्पर्धेत यश

नवापूर सत्यप्रकाश न्युज 

      येथे क्रीडा व युवक सेवा संचालनालय महाराष्ट्र राज्य पुणे, जिल्हा क्रीडा अधिकारी कार्यालय, नंदुरबार व नवापूर तालुका क्रीडा संयोजक यांच्या संयुक्त विद्यमानाने आयोजित नवापूर तालुकास्तरीय मैदानी  

क्रीडा स्पर्धेत दी एन.डी. अँड एम.वाय. सार्वजनिक हायस्कूल व शेठ एच.जे. शाह कनिष्ठ महाविद्यालयाने यश संपादन केले.

   तालुकास्तरीय मैदानी क्रीडा स्पर्धेचे आयोजन आर्ट्स, कॉमर्स व सायन्स महाविद्यालय, नवापूर येथे दिनांक 27,28 व 29 ऑगस्ट, 2024 रोजी दरम्यान करण्यात आलेले होते. या स्पर्धेत 17 वर्षे आतील मुले या गटात कु. ईशान अग्रवाल - गोळाफेक - प्रथम व कु. निलेश भरवाड - भालाफेक - प्रथम यांनी विजय संपादन केला व 19 वर्ष आतील मुले या गटात कु.विरलभाई गामीत - लांब उडी - द्वितीय, कु.माज मुसताक शेख हातोडा फेक - प्रथम व कु. माज मकसूद मलिक - हातोडा फेक द्वितीय* यांनी विजय संपादन केला व त्यांची निवड नंदुरबार येथे होणाऱ्या जिल्हास्तरीय मैदानी क्रीडा स्पर्धेसाठी करण्यात आली. वरील सर्व विजयी खेळाडूंना जेष्ठ क्रीडा शिक्षक  एम.एम.पाटील , क्रीडा शिक्षक  एस.एम.पाटील व .एन.बी. गावंडे यांचे मार्गदर्शन लाभले.

   विजयी खेळाडूंच्या या यशाबद्दल संस्थेचे अध्यक्ष श्री बिपिनभाई चोखावाला, उपाध्यक्ष श्री शिरीषभाई शाह, कार्याध्यक्षा श्रीमती शितलबेन वाणी, कोषाध्यक्ष श्री सतीशभाई शाह, सचिव श्री राजेंद्रभाई अग्रवाल, सहसचिव हाजी शोएबभाई मांदा, प्राचार्य श्री संजयकुमार जाधव , उपमुख्याध्यापिका श्रीमती कमलबेन परिख तसेच सर्व व्यवस्थापन मंडळातील सदस्य व सर्व शिक्षक व शिक्षकेतर कर्मचारी यांनी विजयी खेळाडूंचे अभिनंदन केले व पुढील स्पर्धेसाठी शुभेच्छा दिल्या.