दी एन.डी. अँड एम.वाय. सार्वजनिक हायस्कूल व शेठ एच.जे.शाह कनिष्ठ महाविद्यालयाचे जिल्हास्तरीय मैदानी क्रीडा स्पर्धेत यश क

नवापूर सत्यप्रकाश न्युज 

     येथील नवापूर एज्युकेशन सोसायटी संचलित दी एन.डी. अँड एम.वाय. सार्वजनिक हायस्कूल व शेठ एच.जे.शाह कनिष्ठ महाविद्यालयाचे जिल्हास्तरीय मैदानी क्रीडा स्पर्धेत यश प्राप्त केले असून  दिनांक 06 ऑक्टोबर, 2024 - क्रीडा व युवक सेवा संचालनालय, महाराष्ट्र राज्य पुणे व जिल्हा क्रीडा अधिकारी कार्यालय व जिल्हा क्रीडा परिषद, नंदुरबार यांच्या संयुक्त विद्यमाने आयोजित नंदुरबार जिल्हास्तरीय मैदानी क्रीडा स्पर्धेत दी एन.डी. अँड एम.वाय. सार्वजनिक हायस्कूल व शेठ एच.जे.शाह कनिष्ठ महाविद्यालयाने यश संपादन केले.

  जिल्हास्तरीय मैदानी क्रीडा स्पर्धेचे आयोजन जिल्हा क्रीडा संकुल, नंदुरबार येथे दिनांक 06 ऑक्टोबर 2024 रोजी करण्यात आले होते. सदर स्पर्धा 17 वर्ष मुले व मुली या वयोगटातील खेळाडूंसाठी आयोजित करण्यात आली होती. यामध्ये कु.ईशान अग्रवाल या खेळाडूने गोळा फेक या क्रीडा प्रकारात 8.65 मी. गोळा फेकून तृतीय क्रमांक प्राप्त केला. व कु.निलेश भरवाड या खेळाडूने भालाफेक या क्रीडा प्रकारात 28.86 मी. भाला फेकून तृतीय क्रमांक प्राप्त केला..वरील यशस्वी खेळाडूंना क्रीडा शिक्षक श्री.श्रीकांत पाटील सर व श्री.निलेश गावंडे सर यांचे मार्गदर्शन लाभले होते.

   विजयी खेळाडूच्या या यशाबद्दल संस्थेचे अध्यक्ष श्री.बिपिनभाई चोखावाला, उपाध्यक्ष श्री.शिरीषभाई शाह, कार्याध्यक्षा श्रीमती.शितलबेन वाणी, कोषाध्यक्ष श्री.सतीशभाई शाह, सचिव श्री.राजेंद्रभाई अग्रवाल, सहसचिव श्री.शोएबभाई मांदा, मुख्याध्यापक श्री.संजयकुमार जाधव सर, उपमुख्याध्यापिका श्रीमती.कमलबेन परिख तसेच सर्व व्यवस्थापन मंडळातील सदस्य व सर्व शिक्षक व शिक्षकेतर कर्मचारी यांनी विजयी खेळाडूचे अभिनंदन केले.