जीएसटी परिषदेच्या ५४ व ५५ व्या बैठकीत जीएसटी कायद्यातील तरतुदींबाबत अनेकविध बाबींवर चर्चा व निर्णय घेण्यात आले. यातील बहुतांशी निर्णय हे व्यापारी, करदात्यांवर प्रभाव टाकणारे ठरले. जीएसटी कायद्यात सुधारणा/बदल तसेच जीएसटी संरचनेत होऊ घातलेले बदल, याचसोबत थकीत करदात्यांना दिलासा देणारी जीएसटी ची "अभय योजना" अशा अनेक महत्वपूर्ण बाबींची तपशीलवार माहीती राज्यातील कर सल्लागार, व्यापारी व करदाते यांना सोप्या भाषेत समजून घेता यावी याकरिता नाशिक मधील प्रसिद्ध चार्टर्ड अकाउंटंट व जीएसटी अभ्यासक तज्ञ सीए चेतन बंब यांचे नॉर्थ महाराष्ट्र टॅक्स प्रॅक्टीशनर्स च्या पुढाकाराने तसेच अहमदनगर टॅक्स प्रॅक्टिशर्स व मालेगाव टॅक्स प्रॅक्टिशर्स असोसिएशन यांच्या संयुक्त विद्यमाने दि. ९ जानेवारी रोजी ऑनलाईन पद्धतीने वेबिनारचे आयोजन करण्यात आले आहे.
या संधीचा जास्तीत जास्त कर सल्लागार, सीए, वकील तसेच जीएसटी कायद्याशी संबंधित, अभ्यासक यांनी लाभ घ्यावा असे आवाहन असोसिएशनचे अध्यक्ष नितीन डोंगरे यांनी केले आहे. वेबिनार नाव नोदणी व अधिक माहितीसाठी ८८८८३३३८८८ या क्रमांकावर संपर्क साधावा.
Tags:
करविषयक